LIGAW

nakakabingi ang katahimikang bumabalot sa paligid

ibinabalik ang oras na ako'y nasa mortal na daigdig

itong sandaling ako'y nalunod sa dagat ng kasalanan

at nakalimot sa ganda ng poong maykapal

barkada ang nagtulak sa akin sa kumunoy ng buhay na tila patay

upang makalimot sa ingay na dulot ng problema sa aking buhay

madalas dinadaan sa paglaklak ng alak at hinihithit ko ang langit na droga

para matapos ang problema at mamulat sa bulag na ligaya

ngunit lahat ay pagkakamali. ako'y nadapa at di makabangong muli

tapos na ang aking buhay at hindi maialis ang pagsisisi

sa pagsayang sa oras na dapat sana'y aking inibig at pinagbuti

ito ang aking kinahinatnan...sinusunog ang aking kaluluwa sa kailaliman