MAGKAIBIGAN LANG

sana kapiling ka pa rin

upang pangarap ay tuparin

na masabi sa iyo ang pagtingin

ikaw ang pinakamatalik na kaibigan

kasama ka at naging sandigan

di akalaing sa pag-ibig ay tuturuan

sabi mo na hindi pa iniisip

ang umibig kahit sa panaginip

kaya tinagong pilit

kita raw sa atin ang lambing

na kailan may hindi maihahambing

sa magkaibigan lang ang turing

pilit kong itinanggi ang nararamdaman

dahil natakot akong ito'y malaman

o mabigo kung sakali man

dumating ang araw ng aking paglisan

pangako kong di ka kalilimutan

ikaw lamang magpakailan man

ngayon ako'y nalulumbay

nagsisisi sa pag-ibig na di na naialay

dahil kailangan kitang tunay